O Centro de Interpretación da Muralla está situado na praza do Campo, no centro histórico da cidade. Está situado nun edificio entre medianeiras formado por planta baixa, dous pisos e baixo cuberta, cuxas orixes de construción se remontan a comezos do século XVIII. Na planta baixa está a zona de recepción e acollida do visitante, que comparte espazo coa Oficina Municipal de Turismo.

Coa súa declaración como Patrimonio da Humanidade pola UNESCO no ano 2000, a Muralla obtivo un recoñecemento institucional que se viu reflectido na creación deste espazo que lle axudará a dialogar co viaxeiro, e que lle proporciona unha porta cara o coñecemento do seu pasado.

Con este Centro de Interpretación a cidade abre unha nova porta que desvela os secretos da Muralla, mostrando diferentes aspectos da mesma, desde as súas características constructivas, a súa historia ou os seus múltiples usos, cunha perspectiva máis social e lúdica, e que podemos coñecer nunha vista polas plantas superiores do centro.